
ტომ კრუზი
Tom Cruise
ტომას კრუზ მეიპოთერი IV (დაიბადა 1962 წლის 3 ივლისს) არის ამერიკელი მსახიობი და კინოპროდიუსერი. ის ჰოლივუდის ხატად ითვლება და მრავალი ჯილდო აქვს მიღებული, მათ შორის, საპატიო ოქროს პალმის რტო, კინოაკადემიის საპატიო ჯილდო და სამი „ოქროს გლობუსი“, ასევე, წარდგენილი იყო კინოაკადემიის ოთხ კონკურენტულ ჯილდოზე. 2026 წლის მდგომარეობით, მისმა ფილმებმა მსოფლიო მასშტაბით 13,3 მილიარდ აშშ დოლარზე მეტი შემოსავალი მიიღო, რაც მას ყველა დროის ყველაზე შემოსავლიანი მსახიობების რიცხვში აყვანს. ის ჰოლივუდის ერთ-ერთი ყველაზე წარმატებული ვარსკვლავია და მუდმივად მსოფლიოს ერთ-ერთ ყველაზე მაღალანაზღაურებად მსახიობად რჩება. კრუზმა მსახიობობა 1980-იანი წლების დასაწყისში დაიწყო და წარმატებას მიაღწია მთავარი როლებით ფილმებში „სარისკო ბიზნესი“ (1983) და „ტოპ-განი“ (1986), რომელთაგანაც ბოლო ფილმმა მას სექს-სიმბოლოს რეპუტაცია შესძინა. კრიტიკოსების აღიარება მოიპოვა დრამებში „ფულის ფერი“ (1986), „რეინმენი“ (1988) და „დაბადებული 4 ივლისს“ (1989) შესრულებული როლებით. ბოლო ფილმში რონ კოვიკის როლის შესრულებისთვის მან მოიპოვა „ოქროს გლობუსის“ ჯილდო და წარდგენილი იყო ოსკარის ნომინაციაში „საუკეთესო მსახიობი კაცი“. 1990-იან წლებში ჰოლივუდის წამყვანი ვარსკვლავი იყო და მონაწილეობა მიიღო კომერციულად წარმატებულ ფილმებში, მათ შორის, დრამაში „რამდენიმე კარგი კაცი“ (1992), თრილერში „ფირმა“ (1993), საშინელებათა ჟანრის ფილმში „ინტერვიუ ვამპირთან“ (1994) და სპორტულ კომედიურ დრამაში „ჯერი მაგუაირი“ (1996); ბოლო ფილმისთვის მან მოიპოვა „ოქროს გლობუსის“ ჯილდო საუკეთესო მსახიობი კაცისთვის და მეორედ წარდგენილი იყო ოსკარის ნომინაციაზე საუკეთესო მსახიობი კაცისთვის. კრუზის შესრულებამ დრამაში „მაგნოლია“ (1999) მას კიდევ ერთი „ოქროს გლობუსის“ პრემია და საუკეთესო მეორეხარისხოვანი მამაკაცი მსახიობის ნომინაცია მოუტანა ოსკარის დაჯილდოებაზე. შემდგომში კრუზი საგრძნობლად დამკვიდრდა, როგორც სამეცნიერო-ფანტასტიკური და სათავგადასავლო ფილმების ვარსკვლავი, რომელიც ხშირად თავად ასრულებდა რისკიან ტრიუკებს. ის განასახიერებდა გამოგონილ აგენტს ითან ჰანტს ფილმების სერიაში „შეუსრულებელი მისია“ (1996–2025). მისი სხვა ფილმები ამ ჟანრშია: „ვანილის ცა“ (2001), „უმცირესობათა ანგარიში“ (2002), „ბოლო სამურაი“ (2003), „კოლატერალი“ (2004), „სამყაროთა ომი“ (2005), „რაინდი და დღე“ (2010), „ჯეკ რიჩერი“ (2012), „დავიწყება“ (2013), „ხვალის ზღვარი“ (2014) და „ტოპ-განი: მავერიკი“ (2022). კრუზს აქვს გინესის მსოფლიო რეკორდი ზედიზედ ყველაზე მეტი 100 მილიონი აშშ დოლარის შემოსავლის მქონე ფილმისთვის — ეს მიღწევა დაკავშირებულია 2012 წელსა და 2025 წელს შორის პერიოდში გამოშვებულ თერთმეტ ფილმთან. 2024 წლის დეკემბერში მას მიენიჭა აშშ-ის საზღვაო ძალების უმაღლესი სამოქალაქო ჯილდო, საზოგადოებრივი სამსახურის დამსახურების საპატიო ჯილდო, მის მიერ სამხედრო სფეროში შეტანილი „განსაკუთრებული წვლილის“ აღიარების ნიშნად, მისი კინოროლებით. 2025 წლის მარტში მას ბრიტანეთის კინოინსტიტუტის (BFI) უმაღლესი ჯილდო, BFI Fellowship, მიენიჭა კინემატოგრაფიაში შეტანილი წვლილისთვის. 2006 წელს Forbes-მა ის მსოფლიოს ყველაზე გავლენიან ცნობილ ადამიანად დაასახელა. 1990 წელს ის ჟურნალ People-ის მიერ ცოცხალ მამაკაცთა შორის ყველაზე სექსუალურად მიიჩნიეს, ხოლო 1997 წელს მან „ყველაზე ლამაზი ადამიანების“ სიის სათავეში აღმოჩნდა. კინოკარიერის გარდა, კრუზი საიენტოლოგიური ეკლესიის ღია მხარდამჭერია, რამაც გამოიწვია უთანხმოება და მისი ორგანიზაციასთან კავშირის ზედმიწევნითი შესწავლა. ავიაციის მოყვარულს პილოტის მოწმობა 1994 წლიდან აქვს. აღწერილობა ზემოთ მოცემულია ვიკიპედიის სტატიიდან ტომ კრუზის შესახებ
ფილმოგრაფია

ჯეკ რიჩერი 2

მომავლის ზღვარი

ობლივიონი

ჯეკ რიჩერი

დღის რაინდი

ტროპიკული ქარიშხალი

ვალკირია

ლომები კრავთათვის

თანამოაზრე

უკანასკნელი სამურაი

განსხვავებული აზრი

ვანილის ცა

ფართოდ დახუჭული თვალები

მაგნოლია

ჯერი მაგუაერი

The Firm

შორს

რამოდენიმე კარგი ბიჭი

ჭექა-ქუხილის დღეები

ოთხ ივლისს დაბადებული

წვიმის კაცი

ფულის ფერი

ტოპ განი

ლეგენდა

სარისკო საქმე

გარიყულნი

სამყაროთა ომები

ინტერვიუ ვამპირთან

დამზადებულია ამერიკაში

შეუსრულებელი მისია: უკანასკნელი ანგარიშსწორება

შეუსრულებელი მისია: სასიკვდილო ანგარიშსწორება ნაწილი ერთი

შეუსრულებელი მისია 6

შეუსრულებელი მისია 5

შეუსრულებელი მისია 4

შეუსრულებელი მისია 3

შეუსრულებელი მისია 2

შეუსრულებელი მისია

ტოპ განი: მავერიკი

