
ანტონიო ბანდერასი
Antonio Banderas
ხოსე ანტონიო დომინგეს ბანდერა (დაიბადა 1960 წლის 10 აგვისტოს), პროფესიონალურად ცნობილი, როგორც ანტონიო ბანდერასი, არის ესპანელი მსახიობი და მომღერალი. ცნობილია სხვადასხვა ჟანრის ფილმებში შესრულებული როლებით. მიღებული აქვს მრავალი ჯილდო, მათ შორის, კანის კინოფესტივალის პრიზი და ევროპული კინოპრემია, ასევე, ნომინირებული იყო ოსკარზე, ტონის პრემიაზე, ორ პრაიმტაიმის ემის პრემიაზე და ხუთ ოქროს გლობუსზე. ბანდერასმა კინოში დებიუტი პედრო ალმოდოვარის ექსცენტრიულ კომედიაში „ვნების ლაბირინთი“ (1982) განახორციელა. ამის შემდეგ ისინი ერთად მრავალ ფილმზე იმუშავეს, მათ შორის: „მატადორი“ (1986), „სურვილის კანონი“ (1987), „ქალები ნერვული შეშლილობის ზღვარზე“ (1988), „შემკარი და შემბოჭავი“ შემკარი და დამკარი! (1989) და კანი, რომელშიც ვცხოვრობ (2011). 2019 წლის ფილმისთვის „ტკივილი და დიდება“ ბანდერასმა მიიღო სხვადასხვა ჯილდო საუკეთესო მსახიობის ნომინაციაში, მათ შორის, კანის კინოფესტივალის პრიზი, გოიას პრემია, ასევე, ნომინაციები ოსკარისა და ოქროს გლობუსის პრემიებზე. ის, ასევე, ცნობილია რამდენიმე ჰოლივუდური ფილმით, როგორიცაა „ფილადელფია“ (1993), „ინტერვიუ ვამპირთან“ (1994), „დესპერადო“ (1995), „მკვლელები“ (1995), „ევიტა“ (1996) და „ზოროს ნიღაბი“ (1998). ის, ასევე, მონაწილეობდა „შპიონ ბავშვების“ სერიის პირველ სამ ფილმში (2001-2003) და იყო კატა ბასტიანის ხმა „შრეკის“ ფრენშიზაში (2004–დღემდე) და მის სპინ-ოფ ფილმებში „კატა ბასტიანი“ (2011) და „კატა ბასტიანი: ბოლო სურვილი“ (2022). 2003 წელს ბანდერასმა აშშ-ის თეატრში დებიუტი განახორციელა გვიდო კონტინის როლით სპექტაკლში „ცხრა“, რომლისთვისაც ის წარდგენილი იყო ტონის პრემიაზე და მიენიჭა დრამა დესკის პრემია. ის წარდგენილი იყო პრაიმ-ტაიმის ემის პრემიაზე ნომინაციით ტელეფილმში „და მთავარ როლში — პანჩო ვილა თავის თავად“ (2004) და სერიალის „გენიოსის“ მეორე სეზონში (2018) შესრულებული როლებისთვის; ბოლო სერიალში პაბლო პიკასოს როლის შესრულებამ მას კრიტიკოსების აღიარება მოუტანა.
ფილმოგრაფია

ლეგენდა ზოროზე

ზვიოს ნიღაბი

შრეკი 4

შრეკი 3

შრეკი 2

მთავარი როლი

ინტერვიუ ვამპირთან

ფილადელფია

მკვლელის ცოლის მცველი

შეინარჩუნე რიტმი

შეუცნობელი: განძის ძიებაში

შეუჩერებელნი 3

ჩექმებიანი კატა 2

